காட்சி 56] [மில் முதலாளி வீடு

முதலாளி : உஷா ! இரவு நேரங்களில் வெளியில் போகாதே என்று சொன்னேனே ! கேட்டாயா! ஏழைகளுக்கு உதவி செய்கிறேன் என்று நீ போகிறாய்

உஷா : போனதைப்பற்றி ஏனப்பா பேசுகிறீர்கள். போலீஸார் என்ன சொன்னார்கள்.

முதலாளி : என்ன சொன்னார்கள். யாரும் அகப்படவில்லையாம்!

("அகப்பட்டுவிட்டான்!" என்ற குரலுடன் பரந்தாமன் பிரவேசிக்கிறான்.)

முதலாளி : யார்?

பரந்தாமன்: (உட்கார்ந்துகொண்டே) எல்லாம் கேள்விப்பட்டேன். ஓ... இதுதான் உஷாவோ ! (உஷாவிடம்) உங்களுக்கேற்பட்ட ஆபத்தை ஆண்டவன்தான் தடுத்திருக்கிறான்.

முதலாளி : அதிருக்கட்டும் ஆள் அகப்பட்டுவிட்டான் என்றீரே!

பரந்தாமன்: ஆமாம். தொழிலாளர்களைத் தூண்டிவிடும் பலாத்காரவாதிகளின் வேலையிது !

முதலாளி : ஆங்... பலாத்காரவாதி!

பரந்தாமன் : அவன்தான் பாண்டியன்.

முதலாளி : பாண்டியனா?

உஷா: பாண்டியனா?

பரந்தாமன்: அவனேதான்!அராஜகத்திற்கு ஆரம்பவிழா நடத்தியிருக்கிறான். விரைவில் ஆலைக்கே தீ வைப்பான். உங்களை அழிப்பதற்கே ஒரு சிறு கும்பலை சேர்த்து வைத்திருக்கிறான் அவன்.

முதலாளி : உம் ! அவனைப் பிடிக்க ஆதாரம்!

பரந்தாமன் : ஆதாரம் ! கொள்ளையடிக்கப்பட்ட வைர நெக்லஸ் சென்னையில் எங்கே யிருக்குமென்று எண்ணுகிறீர்கள். அவன் வீட்டில்தானிருக்க வேண்டும் உடனே போலீஸாருக்கு தகவல் கொடுத்து அவன் வீட்டை சோதனை போட வேண்டும். இதை அவசரமாகச் செய்ய வேண்டும். இப்போதே Phone செய்யுங்கள்!

முதலாளி : சபாஸ்! சரியான யோசனை ! ( போனை எடுத்துப் பேசுகிறார்) ஹலோ! போலீஸ் ஸ்டேஷன் !