காட்சி 20

(இடம்ரோடு)

வியா : வடை! முறுக்கு! அய்யா! முறுக்கு வேணுமா?

குண : மூணு அணாவுக்கு கொடு

வியா : அட கடவுளே! போணி ஆயி மூணு நாள் ஆகுது வடை எவ்வளவுக்கு முறுக்கு எவ்வளவுக்கு?

குண : அட ரெண்டு அணாவுக்கு இதுவும் ஓரணாவுக்கு அதுவும் கொடப்பா! (கொடுக்கிறான்)

வியா : ஏம்பா உன் கை நல்லா நடக்கும்லே?

குண : கை நடக்காது—கால் நடக்கும் (என்று செய்கை மூலம் காட்டுகிறான்)

வியா : அய்யோ—பாவம் பசி அதிகம் போலிருக்கு? சாப்பிடு சாப்பிடு!

அடுத்த : ஏ...முறுக்கு

வியா : இருங்க அய்யாகிட்டே காசு வாங்கிட்டு வர்றேன் காசு எடப்பா—உம்—காசு எடு—

குண : (சிரிக்கிறான்)

வியா : ஏனப்பா சிரிக்கிறே?

குண : (மீண்டும் சிரிக்கிறான்)

வியா : அட! என்னப்பா மறுபடியும் சிரிக்கிறே காசை எடு நாலு தெருவுக்கு போகணும்.

குண : ஏன் பொறுக்கவா?

வியா : யாரடா இவன் திமிறுபடைச்சவன் காசு எடுன்னா.

குண : டேய்!—காசா? உனக்கா? எதுக்கு?

வியா : ஏம்பா மாமா மச்சான் மாதிரி விளையாடுறே, என்னை ஏமாத்தலாம்னு பாக்றயா என்னை யாருனு நினைச்சே!

குண : அப்படின்னா இன்னும் ரெண்டணாவுக்குக் கொடு.

வியா : அப்படி வா வழிக்கு! இந்தா வாங்கிக்கோ? (கொடுக்கிறான்—சாப்பிடுகிறான்) காசு எடுப்பா—ம்—நேரமாகுது.

குண : (பைத்தியம்போல்) அடடா பயலே—

(வியாபாரியை விரட்டி விட்டுப் பெட்டியைத் தான் தூக்கிக்கொண்டு புறப்படுகிறான்)

குண : முதலாளி முறுக்கு வேணுமா?

முத : சூடா இருக்கா?

குண : ரெண்டும் இருக்கு

முத : அப்ப எனக்கு இதிலே ஒரணவுக்கு அதிலே ஒரணவுக்கு கொடு.

குண : காசை எடு.

முத : அட முதல்ல கொடுப்பா

குண : ஏங்க உங்களுக்கு ரெண்டணவுக்கு போதுமா?

முத : போதாது! காசை ரொம்ப செலவழிக்க கூடாது எப்பா ரெண்டு அணவுக்கு வாங்கியிருக்கேனே கொஞ்சம் ஓசி

குண : அய்யோ இதிலே கூட உங்க பிச்சைக்கார புத்தி போகலியா! இந்தா ஓசி, (கொஞ்சம் பிட்டுக் கொடுக்கிறான்) காசை எடு.

முத : காசா? ரூபாய்க்கு சில்லறை இருக்கா?

குண : என்ன?

முத : ஒரு ரூபாய்க்கு சில்லறை இருக்கா?

குண : சில்லறையா? எங்கிட்டேயா? அட பாவி கொண்டாடா. (ரூபாயை வாங்கி கையில் வைத்துக்கொண்டு) நல்ல சமயமடா இதை நழுவ விடுவாயோ—ஏதுங்காணும் இந்தக் காசு?

முத : ஏதுங் காணும் இந்தக் காசா?

குண : டேய் ‘எய்ட் நாட்திரீ’ கொண்டு போடா இந்தக் கொட்டாபுளியை [ரூபாயுடன் ஓடி விடுகிறான்]

முத : சரிதான் பெட்டி இருக்குதல்ல

[வியாபாரி வந்து பெட்டியைத் தூக்குதல்...முதலாளி தூக்கவிட மறுத்தல். வியாபாரி பெட்டியைத் தூக்கி முதலாளியின் தலையின்மீது வைத்தவுடன் போலீஸ் வந்து பிடித்துக்கொண்டு போதல்]