காட்சி—18
காட்சி 18·46 காட்சிகளில்
(மைனர்கள் சீட்டு விளையாடிக் கொண்டிருக்கின்றனர்)
1வது : திருப்பப்பா
2வது : மூணு ராஜா தம்பி
1வது : எனக்கு மட்டும் மூணு ஆஸ் இருந்தால்
வேணு : ஒரு லாண்டறியே வச்சிருவே
1வது : என்னப்பா சிரிக்கிறீங்க? நான் தான் ஆட்டத்துக்கு வர்லே.
வேணு : ஏது ஆள் அவுட்டா...சும்மா கெடப்பா போன காசையெல்லாம் திருப்பிடலாம்.
1வது : ஏண்டா அதற்குக்கூட காசு வேணுமே! ஏய்...நீ வச்சிருந்தால் கொடுக்கமாட்டியா? ஏய் ஒரு டேபின் மட்டும் கொடப்பா
வேணு : பைசா நஹி! என்னப்பா...இரும்புப் பெட்டி சாவியை ஒங்க அப்பா ஒன்கிட்டே கொடுத்திருக்காரு பயப்பட்றியே...
1வது : சாவிதானே...எனக்கு அடிக்கடி காக்கா வலிப்பு வர்றது வழக்கம் அதனாலே கொடுத்திருக்காரு.
வேணு : ஏய்—அங்கே வர்றியா போவோம்...
1வது : எங்கே?
[மைனர் வேணுவால் அழைத்துச் செல்லப்படுகிறான்]