அரசியின் சிலம்பு

[அரசியின் உடைந்த சிலம்பை எடுத்துக் கொண்டு அதிகாரி தலைமைப் பொற்கொல்லரிடம் வருகிறான்.]

பொற் : வாருங்கள், வாருங்கள்! இப்படி உட்காருங்கள்! எங்கே இவ்வளவு...?

அதி : அரசி கோப்பெருந் தேவியின் சிலம்பு இது. இதை விரைவில் பழுது பார்த்து அனுப்பச் சொன்னார்....மன்னர்.

[சிலம்பைக் கொடுக்கிறான், பொற் கொல்லர் பெட்டியில் வைக்கிறார்.]

பொற் : அதற்கென்ன...நாளைக்கே கொண்டு வருகிறேன்.

[ஒரு பொற் கொல்லர் வேலை செய்வதைத் திருத்த, தலைமைப்பொற் கொல்லர் எழுந்து செல்லும்போது, அதிகாரி அந்தச் சிலம்பைத் திருடிவிடுகிறான்]

பொற் : ஏன் அவ்வளவு பலமாகத் தட்டுகிறாய்? எவ்வளவு நுட்பமான வேலை இது; மணி மோதிரம் என்றால் மல்லிகை கல் செதுக்குவது போலவா செதுக்குவது? இதை நீ செய்ய வேண்டாம்! அவரிடம் கொடு; அய்யா, இதைக் கொஞ்சம் பார்த்துச் செய்யுங்கள்.

பொற் : (அதிகாரியிடம்) பிறகு...

அதி : ஆகா, வந்த வேலை முடிந்துவிட்டது! நான் அரண்மனைக்குப் போகிறேன். நாளைக்குள் சிலம்பை...

பொற் : கொண்டு வந்து கொடுத்து விடுகிறேன்.

அதி : நான் வருகிறேன்.