சீன். 11.

இடம்: அழகப்பன் வீடு

(எல்லாரும் இருத்தல்)

அழ : மாமா! இனி நான் பிழைக்கமாட்டேன்.

மணி : தம்பி! நீங்க ஒண்ணுக்கும் பயப்படவேண்டாம். நான் போய் சுப்ரமணியசாமிக்கு ஒரு தேங்காய் ஒடிச்சிகிட்டு வர்றேன்.

(குருடன் பாட்டு)

அழ : ஐயோ! குடிக்கும் கூத்திக்கும் செலவிட்ட பணத்தை உழைக்கமுடியாத ஏழைக்குக் கொடுத்திருந்தால் இம்மாதிரி வருமா, சாந்தா! உன்னை வேதனை வாழ்வில் விட்டுச் செல்கிறேன். உன் வாழ்வை வாட்டிக்கொள்ளாதே! மறு மணம் செய்துகொள் கண்ணே!-சாந்தா! சாந்தா!

(இறத்தல்)