காட்சி 51]

[வேதாளத்தின் இருப்பிடம்

சுகதேவ் எங்கேயோ போய்விட்டு வந்து கதவைத் தட்டுகிறான். உள்ளே வேதாளம், தாடி ஒட்டிக் கொண்டிருக்கிறான், அருகே வெற்றிவேலனும் அமர்ந்திருக்கிறான்.

சுகதேவ்: சாமி! சாமி!!

வேதாளம்: பொறு! இன்னும் நிஷ்டை முடியவில்லை.

சுகதேவ்: கதவைத் திறவுங்கள் சாமி!

வேதாளம்: முட்டாள்தா இரு! கடவுளுடன் பேசிக்கொண்டிருக்கிறேன்! முத்தாயி விஷயம் பற்றி!—

சுகதேவ்: (தனக்குள்) ஆகா—கடவுளோடு பேசுகிறாரா?—நாம்தான் பகவானைப் பார்க்க முடியாது; பாப ஆத்மா! சாமியார் பேசும்போதாவது ரகசியமாகப் பகவானைப் பார்த்து விடுவோமே!—

என்று சொல்லிக் கொண்டே கதவின் ஓட்டை வழியாக உள்ளே பார்க்கிறான். அவ்வளவுதான் அவனுக்குத் தூக்கிவாரிப் போடுகிறது.

சுகதேவ்: ஐயய்யோ தவசி! வேதாளம், மறுபடியும் முருக்கமரம் ஏறுகிறது—நல்ல வேளை—நான் பிழைத்தேன்—பிழைத்தேன்.

என்று அலறியபடி அதை விட்டு ஓடுகிறான்.

★