சீன். 3.

இடம்: கல்யாண மண்டபம்

அழகப்பன், சாந்தா, மணியப்பர்

அய்யர், சிஷ்யன்.

(நண்பர்கள் உறவினர்கள் எல்லாம் வரல்)

மணி : டேய் கந்தா! அய்யர் எங்கேடா?

கந்: இதோ வராங்க.

மணி : வாங்க சாமி.

அய் : வர்ரேன்.

மணி: சாமி,நாழியாச்சி.சீக்கிரம் ஆகட்டும்.

அய்: என்ன முதலியார்வாள்! எல்லாம் கொண்டு வரச்சொல்லுங்கோ. பெண்ணு மாப்பிள்ளையை அழைத்து வாருங்கோ.

(அய்யர் மந்திரம் சொல்லுதல். பிறகு மாலை போடல். மணவரையைச் சுற்றுதல்.)

அய்: சாந்தா ! நமஸ்காரம் செய்துக்கோ.மாப்பிள்ளைவாள் ! நீங்களும் நமஸ்காரம் செய்துகொள்ளுங்கோ.நலுங்கு பாடுங்கோ.

(பாடல்)

அய்: முதலியார்வாள்! பொண்ணு மாப்பிள்ளையை உள்ளே அழைச்சுண்டுபோய் பாலும் பழமும் கொடுங்க. சரி, நான் போகட்டுமா?

மணி : போய்ட்டு வாருங்கோ.

அய்: சரி.வர்றேன். (உள்ளே போதல்)

மணி : என்ன சாமி, இப்படியும் அப்படியுமாபோறிங்க. என்ன விஷயம?

அய்: ஒன்றுமில்லை, தெக்ஷணை கொடுங்க.

மணி : இதை அப்பவே சொன்னா என்னாங்க சாமி? இந்தாங்க.

சிஷ்: மாமா! எனக்கும்.

அய்: முதலியார்வாள்! பிச்சுமணிக்கும் கொடுங்கோ. (பணம் கொடுத்தல்)

(பிச்சுமணி பணம் வாங்கிக்கொண்டு வெள்ளிக்கிண்ணத்தைத் திருடுதல். கந்தன் பிடித்தல் )

பிச்: மாமா - மாமா -உ

அய் : என்னடா - முதலியார்வாள்!

மணி: ஏய்,என்னடா?

கந்தன் : இதைத் திருடிட்டாருங்கோ?

மணி : ஏன் சாமி,இப்படிச் செய்யலாமா?

அய் : இதுக்குப் பேரு திருட்டா?

கந்: பின்னே என்ன களவா?

அய் : முதலியார்வாள்! பிராமணாள் எதை வேணும்னாலும் எந்த இடத்திலே இருந்தாலும், எடுத்துக் கொள்ளலாம்னு மநுதர்ம சாஸ்திரத்திலே எழுதி இருக்கு.

மணி : அப்படியா! அப்போ எடுத்துக்குங்க?

அய்: வேண்டாம்.

(அய்யர் உள்ளே போதல்,)

மணி : ஏய் கந்தா! ஆகவேண்டிய காரியத்தை எல்லாம் பாருடா.